TEAM HORISONTTI SAUNA
HALLSTEIN GUTHU
Hallstein Guthu (s.1979) kasvas Vesisaaressa/ Čáhcesuolussa/ Vadsøssä. Vuotena 2005, NTNU Tronjamin Masterigraadin jälkhiin, hän siirtyi Wieniin (AT), työtelemhään Coop Himmelb(l)au:lla. 2007 ja 2012 välilä Hallstein työteli Foster+Partners:illa Lontoossa. Tämän jälkhiin Guthu palas Ušluun, ja työteli MMW arkitekter:in kans ennen ko perusti HALLSTEIN kesälä 2016. HALLSTEIN oon maisema- arkkitetkuuri- ja designstudio, joka luopi funksunellii, yksinkertaista ja kaunista arkkitektuurii privaatiile kunderiile. Studio ottaa kans tehtävii restaurantiilta, baariilta, boutique-interiööriiltä, kulttuuriareenoilta ja näyttelyiltä. Guthu oon NODA – Nord-Norsk Design- og Arkitektursenter:in ja Fortidsminneforeningen i Finnmark:in styyrinjäsen.
Kuva: Brian Perktold
BENEDICT BELDAM
Benedict Beldam (s. 1994) työtelee performanssin, äänen, tekstin ja installasuunin kans, juuret kväänikulttuurissa. Praksisheen kuuluthaan kulttuurin huilaavat ja liikkuvat aspektit, niin ko sauna, meri, piimä ja tervanpoltto. Hänelä oon MA Kunsthøgskolen i Oslo:sta ja tekoälyn ja filosofiin BA UiO:sta, assuu nykyisin Ušlussa ja oon Performance Art Norway:n johtaaja. Beldamilla oon ollu näyttelyi koti- ja ulkomaassa, ja hänelä oon toimessa prosektii Sápmissa ja Pohjolassa, esimerkiksi Bodø24 Europeisk Kulturhovedstad. Varhemat prosektit Vesisaaressa/Čáhcesuolussa/ Vadsøssä inkudeeraa Kväänibiennaali, Varanger Saunafestival festivaalitaitajana, ja nyt Horisontti sauna.
Kuva: Susanne Hætta
ÅSNE KUMMENJE MELLEM
Åsne Kummeneje Mellem (s.1995) oon kväänitaitaja koulutettu Kunsthøgskolen i Oslo:ssa (BA) og Kunstakademiet i Tromsø:ssä (MFA). Hän tutkii ja haastaa tradisnunellii teknikkii kohtaamisessa nykytaitheen kans, fookuksenna erikliikaisesti käsityö. Hänen työssä oon tullu tärkkeeksi se kuilu vanhaan ja nuoren sukupolven välilä, jonka ruiđalaistaminen oon luonu. Mitä oon kvääniin käsityö, ja kunka se aktualiseeraanttuu tääpänä? Kummeneje Mellem oon yksi niistä joka perustethiin Kväänitaitheiliijat – Kvensk kunstnerforbund. Viimi vuosina hän oon ollu aktuelli monessa separaatti- ja joukkonäyttelyssä koko maassa, ja värkkii oon ostanheet sekä Nasunaalimuseumi, Nordnorsk Kunstmuseum ja Vadsø museum – Ruija Kväänimuseumi. Hänen värkkii saattaa kans nähdä kantiinissa Statens Hus:issä Vesisaaressa/ Čáhcesuolussa/ Vadsøssä.
Kuva: Rikke Løe Hovdal
