TEAM HORISONTTI SAUNA
HALLSTEIN
Hallstein Guthu (r. 1979) lea Čáhcesullos bajásšaddan. Maŋŋá go gergii arkitektuvrra masteroahpu NTNU:s Troandimis jagi 2005, de fárrii Hallstein Wienii (AT) bargat Coop Himmelb(l)au ovddas. Gaskal 2007 ja 2012 Hallstein barggai Foster+Partners ovddas Londonis. Dasto máhcai Guthu Osloi bargat MMW arktiekter ovddas ovdal go vuođđudii HALLSTEIN geassit 2016. HALLSTEIN lea eanadaga, arkitektuvrra ja design studio, gos ráhkadit doaibmi, ovttageardán ja čáppa arkitektuvrra priváhta kundariid ovddas, ja maid restoráŋŋaid ja báraid, buvddaid, kulturarenaid ja čájáhusaid. Guthu lea NODA – Nord-Norsk Design- og Arkitektursentera ja Fortidsminneforeningen i Finnmark (Finnmárkku dološmuitosearvvi) stivramiellahttu.
Govva: Brian Perktold
BENEDICT BELDAM
Benedict Beldam (r. 1994) bargá performance:in, jienain, teavsttain ja installašuvnnain, vuođđuduvvon Kvena kultuvrii. Su bárgu ovttaiduhttá kultuvrra golgi beliid, nugo sávnni, meara, suvrramielkki ja bihkkaboaldima. Sus lea MA Oslo Dáiddaallaskuvllas ja BA Goanstajierbmi ja Filosofiija oahpus UiO:s, ja lea Performance Art Norway jođiheaddji Oslos. Beldam lea čájehan barggus sihke sis- ja olgoriikkas, ja dálá prošeavttat leat sihke Sámis ja Davviriikkain, nugo Bodø24 Europeisk Kulturhovedstad. Ovddeš prošeavttat Vesisaari/Čáhcesullos/Vadsø fátmmastit Kväänibiennaali, festiváladáiddárin Várjjaga Sávdnefestiválas, ja dál Horisontti Sauna.
Govva: Susanne Hætta
ÅSNE KUMMENJE MELLEM
Åsne Kummeneje Mellem (r. 1995 Romssas) lea kvena govvadáiddár oahpuin Oslo dáiddárallaskuvllas (BA) ja Romssa dáiddárakademiijas (MFA). Son suokkarda ja hásttuha árbevirolaš giehtaduodjeteknihkaid dálááiggedáidagiin, erenoamáš deattuin kvena giehtaduodjái – käsityö. Gaska mii lea šaddan gaskal vuorraset ja nuorat buolvvaid dáruiduhttima geažil lea guovddážis barggustis. Mii lea kvena giehtaduodji, ja mo dan heivehit otnábeaivái? Kummeneje Mellem lea okta dain gii lei mielde bidjamin johtui Kväänitaitheiliijat – Kvensk kunstnerforbund. Maŋimus jagiid leat sus leamaš máŋga ovttaskasčájáhusa ja joavkočájáhusa miehtá riika, ja Nationálamusea, Davvi-Norgga dáiddamusea (Nordnorsk Kunstmuseum) ja Čáhcesullo musea – Ruija kvenamusea leat sus ovddeš bargguid oastán. Su bargu maid oidno Čáhcesullos stáhta viesu kantiinnas.
Govva: Rikke Løe Hovdal
